बुधवार, 8 मार्च 2017

हे गोरी तनी बचि के रहू

 हमरे अंगना में आई जोन्हाई हे गोरी तनी बचि के रहू 
  तोहरे देहिया पे छाई फगुनाई हे गोरी तनी बचि के रहू
बगिया में लसे लसा चुवेला हो अमवा
कुहुके कोयलिया कि आवा हो फगुनवा
रस छलके त मनवा बऊराई तोहरे.... हे गोरी तनी बचि के रहू
तोहरे देहिया पे छाई फगुनाई हे गोरी तनी बचि के रहू
खेतवा में फूली सरसों महके महुववा
पुरवा नसे में झूमें हुलसे परनववा
काहे लेहलू तु अईसे अंगड़ाई... हे गोरी तनी बचि के रहू
तोहरे देहिया पे छाई फगुनाई हे गोरी तनी बचि के रहू
रंग में रंगाई गईले धरती गगनवा
होलिया मनावा हमरे संग में सजनवा
तोहके रंगबे आज भर अंकवारी .. हे गोरी तनी बचि के रहू
तोहरे देहिया पे छाई फगुनाई हे गोरी तनी बचि के रहू
(c) डॉ पवन विजय
Show more